Ish-ministri i Drejtësisë, Ylli Manjani ka reaguar ndaj deklaratave të Kryeministrit Edi Rama, i cili një ditë më parë nga mbledhja e Asamblesë Kombëtare të PS hodhi akuza të forta ndaj SPAK dhe kërkoi arrestimin e Sali Berishës dhe Ilir Metës.
Ndërsa flet për krizën e çmimeve që ka “pushtuar” vendin, Manjani shkruan se kryeministri Rama është në sëkëlldi pasi i është prishur rehati që i ofronte opozita e shitur, por arrestimi i Berishës dhe Metës sipas tij, nuk do të ndryshonte krizën në vend.
Postimi:
245 lekë për litër nafta. U ”stabilizua” në këtë pikë çmimi.
Ushqimet e rritura me 30%. Të çimentuara edhe ato.
Energjia e rritur mbi 700kë, me 30%.
Çdo produkt e shërbim i rritur respektivisht me rritjet e mësipërme.
Tani, nëse arrestohet Sali Berisha dhe Ilir Meta siç sugjeron Kryeministri, a ulen çmimet?!
Po korrupsioni i rritur, tenderat sekretë e koncensionet do zhduken?!
Si përmirsohet qeverisja kur kërkohet të shuhet opozita, e di njeri?!
Mua më duket se Rama është në sekëlldi. I është prishur disi rehatia që i ofronte opozita e shitur…
Është Ai që duhet të japë llogari dhe jo të kërkojë llogari të tjerëve!
Discussion about this post