Ngacmoi seksualisht 15-vjeçaren, arrestohet 35-vjeçari

Arrestohet një 35-vjeçar nga policia e Korçës pasi akuzohet për ngacmim seksual me një minorene.

Sipas policisë shtetasi me inicialetA. B., 35 vjeç, banues në Ersekë, dyshohet se ka ngacmuar seksualisht një 15-vjeçare. Nga informacionet mësohet se personi i arrestuar është një shofer autobusi i cili ngacmonte 15 vjeçaren teksa po udhëtonte se bashku me të, nga linja e Tiranës drejt Korçës.

Sipas babit të adoleshentes, i cili ka bërë denoncimin përkatës pasi vajza ka provuar se shoferi e ka prekur në disa pjesë të trupit pa dëshirën e saj. Kujtojmë se ky është një rast i përsëritur pasi para disa ditësh në media u publikuar rasti i një pedofili i cili niste sulmet dhe joshjet ndaj minoreneve në rrjetet sociale, person i cili përfundoi në arrest nga Policia e Lezhës.