Aksidenti i djeshëm pranë kompleksit “Delijorgji” vijon të jetë dhe sot në qendër të publik pasi detaje të reja janë publikuar çdo moment. Si për ironi të fatit, pasi përplasi familjen Konomi, të cilët ishin duke ecur në vijat e bardha në rrugën e “Kavajës”, Sulejmani, tërësisht i droguar në timon ka marrë vajzën e tij të mitur që kishte në makinë duke u larguar menjëherë nga vendi i ngjarjes.
Pasi u kap nga policia në spital, Sulejmani është shprehur se kishte vajzën të sëmurë prandaj edhe po shpejtonte, por ky justifikim nuk i ka bindur policët, të cilët i kanë listuar atij tre vepra penale: “Shkelje e rregullave te qarkullimit rrugor”, “Largim nga vendi i aksidentit” dhe “Drejtim mjeti ne menyre te parregullt”.
Mësohet se pas testit, Sulejmani nuk kishte pirë alkool, ndërkohë që testi tjetër, ai i drogës e nxirrte pozitiv. Ai rezulton se kishte nën efektin e hashashit teksa drejtonte makinën. Gjatë gjashtë viteve që kishte marrë patentën, Sulejmani ishte gjobitur tetë herë nga policia, ku herën e fundit ai ishte shoqëruar edhe në komisariat për t’u liruar pak orë më pas.
Discussion about this post