Një 28-vjeçare e cila banonte në fshatin Çerravë të Pogradecit është zhdukur. Zhdukjen e ka denoncuar nëna 54-vjeçare e së resë. Në dëshminë e saj, ajo ka thënë se vajza është larguar nga banesa më datë 25 Prill dhe nuk është kthyer më.
Ndërkohë edhe Elbasani nuk ka gjetur qetësi. Një 37-vjeçare është zhdukur nga shtëpia e saj ndërkaq rastin e ka denoncuar e motra.
Policia e Pogradecit dhe Elbasanit thonë se kanë nisur kërkimet për të zbuluar çfarë ka ndodhur me dy gratë e zhdukura.
Ndërkaq kujtojmë që dhe në qytetin e Durrësit para tre ditësh një kallëzim është bërë në polici, ku një e mitur me inicialet G.P, është larguar nga banesa e saj dhe nuk është kthyer më.
Rastet e zhdukjes së personave ditët e fundit janë bërë të shpeshta në vendin tonë, ndërkaq arsyeja pse këta persona largohen mbetet gjithmonë dhe më shumë mister.
Discussion about this post