Enkelejd Alibeaj ka folur për gazetarët pas mbledhjes së Grupit Parlamentar të Partisë Demokratike në selinë blu. I bindur ai tha se PD do të marrë pjesë në procesin që zhvillohet për zgjedhjen e presidentit të ri. Enkelejd Alibeaj u shpreh se, deputetët e pranishëm në mbledhje do të marrin pjesë në procesin për zgjedhjen e presidentit të Republikës, pasi e kanë detyrim moral dhe politik.
“Me ndjenjën më të lartë të përgjegjësisë të gjithë deputetët ranë dakord, të marrin pjesë në proces. Për të hequr çfarëdolloj gjurme të hidhur të së shkuarës, që i shmangeshim provave e sfidave elektorale e jemi bërë pishman. Është një detyrim për të t’u përballur me sfidën. Po, pjesëmarrje substanciale e opozitës, në 3 raundet e para, zëri i opozitës ekziston dhe do të kumbojë. Ramë dakord të marrim pjesë në proces që të mos bëhemi pishman më pas. Zëri i opozitës ekziston dhe do të kumbojë. Ndjej dhe një kënaqësi personale këtu, të gjithë ata që ishin aty, por edhe ata që ishin online kanë një kusht të panegociueshëm. Presidenti i Republikës do të duhet që të jetë një anti-komunist” u shpreh Alibeaj.
Discussion about this post