Qytetarët shqiptarë po përballen përditë me krizën më të madhe ekonomike nga rritja e çmimeve të ushqimeve dhe rritja e çmimit të naftës. Këtë gjë nuk lënë pa e kujtuar edhe kryeministri bashkë me ministrat e tij, kur u thonë se duhen marrë masa që të ndihmohen qytetarët. Por ndryshe thonë në deklarata për mediat dhe ndryshe veprojnë me taksat e qytetarëve. Edhe gjatë krizës ekonomike na është dashur që të shohim procedura tenderimi nga më të çuditshmet të institucioneve qeveritare, si blerje stilolapsash, bojëra kompjuterësh, mobilim zyrash dhe e fundit fare, për larje makinash të drejtuesve të institucioneve.
Ditën e sotme në Agjencinë e Prokurimeve Publike ka mbërritur një tender që shkon përtej qesharakes, i cili është hapur nga Agjencia për Media dhe Informim. Kjo agjenci e cila akoma nuk ka filluar funksionimin e plotë të saj, pasi ka vetëm pak muaj që është krijuar, drejtuesi i saj Endri Fuga bën tender për të larë makinën e tij. Tenderi mban numrin e referencës REF-28017-05-09-2022 dhe është hapur pikërisht për larjen e 4 makinave të Agjencisë për Media dhe Informim.
Endri Fuga i cili njihet si shefi i zyrës së propagandës të kryeministrit Edi Rama, tashmë duket më komod pasi në karrigen e Agjencisë që i dhuroi shefi i tij mund të fusë edhe ai duart tek taksat e qytetarëve. E pikërisht ai nuk ka pritur më gjatë dhe ka bërë tenderin e parë për të larë makinën e tij me taksat e qytetarëve që i gënjen përditë. Me këtë tregon edhe një herë se paraqitjen e jashtme e ka shumë të rëndësishme dhe aq sa kujdeset në çdo detaj për propagandën e kryeministrit, Fuga kujdeset edhe për makinat e tij, pagesën e bën populli.
Gijotina.com
Discussion about this post