“Do rikthehet te Donaldi?” Beatrix flet për herë të parë për ndarjen nga aktori

Beatrix Ramosaj ka folur për herë të parë për ndarjen nga aktori i njohur i humorit Donald Veshaj nëpërmjet një interviste virtuale me ndjekësit e saj në Instagram.

Njëri nga fansat e ka pyetur për mësimin më të madh që ka marrë nga ky vit. Me përgjigjen e saj, këngëtarja ka lënë të kuptohet se është penduar për atë që krijoi me Donaldin.

“Mësimi më i madh që mora këtë vit është të mos kërkoj asgjë: biseda, miqësi, lidhje, vëmendje apo dashuri. Nuk ia vlen të luftosh për çdo gjë që bëhet me detyrim. Lëri gjërat të rrjedhin vetë, ajo që ka për të ndodhur do të ndodhë.”, shkruan ajo.

Ndërsa pyetjes “Na tregon pak si e mbyll portën? Thjesht e përplas apo e mbyll me çelës?” që nënkupton nëse ka mundësi rikthimi tek aktori, Beatrix është përgjigjur: “Me çelës dhe e rrotulloj dy herë që të sigurohem që është mbyllur”, duke nënkuptuar se nuk ka rikthime.