Gjykata e Kurbinit është treguar bujare me vendimin që ka dhënë për drejtorin e Ujësjellësit të kanalizimeve në Kurbin. Mësohet se gjykata ka dhënë masën e sigurisë arrest me burg, me afat 40 ditë për Alfred Prodani, i cili u arrestua pasi dyshohet për dhjetëra vjedhje të ndodhura në Spanjë.
Burgu me afat 40 ditë është dhënë me qëllim që gjatë kësaj kohe të plotësohen dokumentet për ekstradimin e tij drejt Spanjës, ku do të përballet me drejtësinë vendase.
Vetë Prodani i ka mohuar akuzat, ndërkohë që emri i tij ishte lakuar më herët dhe nga ish-kryeministri Sali Berisha, në denoncimet e tij përmes qytetarit dixhital ku thoshte se Prodani ka qenë bashkëpunëtor në vjedhjen e shtëpisë së yllit madrilen, Karim Benzema.
Me gjithë këto akuza që rëndojnë mbi të, kjo nuk e ka penguar qeverinë Rama që Prodanin ta emëronte në pozicione drejtuese të administratës publike.
Discussion about this post