Deputetja e Partisë Demokratike, Flutura Açka ka shpërthyer në kritika për procesin e zgjedhjes së Presidentit të ri ku theksoi se mazhoranca e ka zgjedhur emrin që dëshiron për President, por përdor opozitën për tu dukur mirë në sytë e Evropës.
E pranishme në Konferencën e kryetarëve, Açka kujtoi marrëdhënien dinamike të PS me Ilir Metën, ndërsa akuzoi socialistët se një President i mirë për ta do të ishte një “komunist ose lëpirës”.
“Më lejoni të kthehem pas në kohë atëherë kur u zgjodh President Ilir Meta, më pas na doli pijanec. Ajo çfarë ndodhi 4 vite më parë na ka lënë shijen e keqe mënyrën si u zgjodh Presidenti i Republikës. Çfarë ka ndodhur keni sharë, keni ngrënë jala me atë, e bëtë President, e ofenduat, e çuat në Kushtetuese, tani doni t’i bëni një funeral politik, ju duhet të kërkoni një ndjesë publike ndaj shqiptarëve për mënyrën se si ua zgjodhët Presidentin. Me zarfat që keni hedhur, duhet t’ju kenë dalë nja 250 emra, a i ka Shqipëria nja 250 president, pse të mos ketë edhe nja 200 të tjerë rrotull trojeve tona. Prandaj unë shikoj që huqi nuk ka për t’ju lënë që të negocioni me ne. Unë kam frikë, jo kam frikë por kam bindjen sepse s’kam pse të kem frikë fare, ju nuk do të negocioni me ne. Ju na keni ne këtu si buzëkuq për tu dukur më bukur në sytë e Evropës, që ja ku jemi dhe po evropianizohemi. Unë kam frikë se keni zgjedhur presidentin për të mos folur me emra. Për ju kandidat i mirë për president është komunist ose lëpirës dore”, u shpreh Flutura Açka.
Discussion about this post