Gjykata e Posaçme kundër Korrupsionit dhe Krimit të Organizuar ka kaluar për kaluar për gjykim dosjen ndaj ish kreut të Kushtetueses Bashkim Dedja për sekuestron e pasurisë.
Në dhjetor, Kolegji i Posaçëm i Apelimit shkarkoi nga detyra kreun e Gjykatën Kushtetuese. KPA arsyetoi se gjyqtari Dedja ka pasuri më të madhe nga sa mund të justifikojë dhe nuk ka paraqitur burime të ligjshme financiare për to. Me këtë vendim, KPA hodhi poshtë vendimin e Komisionit të Pavarur të Kualifikimit për konfirmimin në detyrë të Dedjas.
Disa javë më parë GJKKO e riktheu edhe njëherë çështjen në SPAK për të bërë plotësimin e hetimeve për këtë çështje. Pas plotësimit të hetimeve këtë të martë çështja kaloi zyrtarisht në gjykatë. Ndaj tij SPAK, ngriti akuzën e fshehjes së të ardhurave dhe deklarimit të rremë të pasurisë së ish-kreut të Gjykatës Kushtetuese.
Baftiar Rusi, avokati mbrojtës i ish kreut të Kushtetuese, përshëndeti vendimin e GJKKO-së dhe tha se në dosjen e SPAK nuk ishin pasqyruar të dhënat e plota lidhur me të ardhurat dhe për këtë dosja ka nevojë për plotësim.
Kujtojmë se Gjykata e Posaçme Kundër Korrupsionit dhe Krimit të Organizuar vendosi në prill sekuestrimin pasurive të ish-Kryetarit të Gjykatës Kushtetuese, Bashkim Dedja dhe ish gjyqtarit Fatos Lulo. SPAK zbuloi nga hetimi penal të dhëna që ish gjyqtarët kishin në pronësi pasuri të paluajtshme, të cilat nuk i justifikonin me burime të ligjshme, apo pasuri që i kanë fshehur.
Discussion about this post