Shkodër/ I hyri në banesë një gruaje për ta përdhunuar, 30-vjeçari përleshet me djalin e saj dhe e plagos

Një ngjarje e rëndë ka ndodhur në qytetin e Shkodrës, pasi një 30-vjeçar me inicialet K.G, ka hyrë në banesën e një gruaje dhe ka tentuar ta përdhunonte. Në momentin që kishte arritur djali i saj me inicialet Sh. R., 26 vjeç në banesë, 30-vjeçari është përleshur me të dhe e kishte goditur me thikë, duke i shkaktuar dëmtime të lehta.

Autori me inicialet K. G., 30 vjeç, është banues në Shkodër, me precedent të mëparshëm penal për kultivim bimësh narkotike, ngacmim seksual dhe vjedhje. Gjatë kontrollit të ushtruar në banesën e 30-vjeçarit, Policia ka gjetur dhe sekuestruar një armë gjahu, pa leje.

Materialet procedurale iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.