Sonte do të nisin ethet e vërteta për pjesëmarrësit e “Eurovision 2022”. Bëhet me dije se sonte do te zhvillohet gjysmëfinalja e parë, ku do të prezantohen 17 këngët e para konkurruese. Në këtë gjysmëfinale do të performojë e para përfaqësuesja e vendit tonë, Ronela Hajati me këngën “Sekret”. Më pas do të performojnë përfaqësuesit e Letonisë, Lituanisë, Zvicrës, Sllovenisë, Ukrainës, Bullgarisë, Holandës, Moldavisë, Portugalisë, Kroacisë, Danimarkës, Austrisë, Islandës, Greqisë, Norvegjisë dhe Armenisë.
Ky është edicioni i 66-të i “Eurovision Song Contest” dhe do të mbahet në Pala Olimpico Arena në Torino të Italisë. Nga kjo natë e madhe janë zbuluar disa detaje të cilat përfshijnë tymin dhe zjarret të cilat do të krijojnë një atmosferë mahnitëse. Këtë vit vetëm 10 të përzgjedhur do të kalojnë në finalen e madhe, e cila do të mbahet ditën e shtunë. Deri më tani janë pesë vende që kualifikuara paraprakisht për finalen e madhe, të cilat janë Franca, Gjermania, Italia, Spanja dhe Mbretëria e Bashkuar. Në këtë gjysmëfinale janë Franca dhe Italia. Para shpalljes së rezultatit, do të prezantohen dy nga pesë vendet e kualifikuara paraprakisht për në finalen e madhe.
Discussion about this post