147 shoferë janë kapur në shkelje të ligjit në Elbasan nga “makina inteligjente” Të dhënat e policisë tregojnë se shoferët nuk po ndërgjegjësohen dhe shkelin vazhdimisht rregullat e qarkullimit dhe bëhen burim aksidentesh. Sakaq, bëhet me dije se në orët e fundit 147 drejtues automjetesh janë konstatuar duke qarkulluar me shpejtësi tej normave të lejuara, nga të cilët 44 janë konstatuar se qarkullonin me më shumë se 40 deri në 50 kilometra në orë, mbi shpejtësinë e lejuar.
Këtyre 44 drejtuesve të mjeteve iu është pezulluar leja e drejtimit nga 6 deri në 12 muaj, janë ndëshkuar me masë administrative nga 15.000 deri në 40.000 lekë të rinj, si dhe u janë zbritur nga 10 deri në 13 pikë në lejen e drejtimit.
Ndërsa 4 drejtues mjetesh drejtonin mjetin me shpejtësi tej normave të lejuara dhe nën efektin e alkoolit, shkelje e cila u evidentua nga kryerja e alkool-testit, nga shërbimet e Policisë, të cilët ishin vendosur në distancë nga makina inteligjente. E pra, vetëm në një qytet çdo ditë raportohet numër i lartë shoferëve që nuk respektojnë rregullat rrugore, ndërsa shifrat janë edhe më frikshëm në rang kombëtar.
Discussion about this post