Anëtari i Komisionit të Rithemelimit, Çlirim Gjata, komentuar sot debatet në Kuvend mes Spahos dhe Bardhit, ku ky i fundit deklaroi se një ministër në kohën e Berishës kishte përfituar një vilë me vlerë 760 mijë euro nga Rama. Sipas Gjatës, këto janë “muhabete kafenesh” dhe turp që bëhen në Parlament debate të tilla. Sipas tij, akuzat e Bardhit as nuk ja vlen të dëgjohen për aq kohë sa nuk ka fakte. Madje, Gjata tha se Bardhi bën këto veprime pasi moralisht dhe parimisht ai kurrë nuk ka qenë pjesë e Partisë Demokratike
“Dilet dhe thuhet me fakte që e ka vjedhur apo e ka bërë me djersën e ballit. Kjo duhet shpjeguar. Nëse nuk e respekton këtë atëherë je një llafazan, jo se s’kam respekt për plakat e lagjes por je në nivelin e muhabeteve dhe kafeve të lagjeve.
Ne kemi ndërprerë çdo lloj debati me deputetët e PD-së, pavarësisht kundërshtimeve sepse duam të shkojmë drejt bashkimit dhe nuk i leverdis askujt brenda PD, përplasja kundër njëri-tjetrit. Ne po shkojmë drejt bashkimit. Shikoj nga krahu tjetër, nga fraksioni që po provokojmë. E di pse vjen kjo? Sepse ata kurrë nuk kanë qenë të PD-së, është ndryshe të zgjohesh një mëngjes të bukur në të tridhjetat dhe të jesh ministër”, tha Gjata. Ndërsa shtoi se akuza të tilla mund të dëgjohen dhe të merren për bazë vetëm nga ata që kanë interes për konflikte absurde mes PD.
Discussion about this post