Partizani me drejtori të ri sportiv? Haris Fakic emri më i lakuar

Partizani mund të marrë nga Skënderbeu Haris Fakic, i cili ka bashkëpunuar prej vitesh me korçarët dhe përfaqëson një pjesë të lojtarëve të tyre.

Një ditë më parë qarkulluan disa emra që mund t’u bashkohen “Demave”, si Bekim Rexhepi, Leard Sadriu dhe Leonat Vitija.

Të tre janë pjesë e kompanisë së Fakic dhe me lajmin e sotëm në “Panorama Sport” për Fakic drejtor sportiv të Partizanit kuptohet çfarë po lëviz në kampin e kuq.

Haris ka punuar prej vitesh me Skënderbeun dhe së bashku me Shkumbin Qormemetin kanë realizuar disa transferime të bujshme jashtë vendit, mes tyre ato të Olayinka e Latifi që arkëtuan rreth 2 milionë euro.