Gjykata e Posaçme kundër Korrupsionit dhe Krimit të Organizuar ka refuzuar kërkesën e SPAK për të marrë të pandehur Nuredin Dumanin dhe Talo Çelën. Gjyqtarja e SPAK ka vendosur që të kthejë pas dosjet e prokurorëve me pretendimin se hetimet nuk ishin të plota, duke i lënë 6 muaj kohë për të vazhduar me punën për të pandehurit.
Më herët, për vrasjen e vëllezërve Besmir dhe Viktor Haxhia, si dhe për ekzekutimin e Anxhelo Avdias dhe Dorjan Shkozës, janë marrë të pandehur dhe po gjykohen shtetasit Altin Ndoci, Klevis Alla, Besjan Xhixha dhe Enver Diva.
Në bashkëpunim dhe në drejtimin e Talo Çelës dhe Nuredin Dumanit, këta persona kanë pasur dijeni dhe kanë ndihmuar në vrasjet e ndodhura në Durrës. Sipas dëshmisë së Allës, shkak i vrasjeve kanë qenë lekët e grabitura në Rinas në 9 Prill 2019
Por kjo dosje ka disa hije misteri, nisur nga fakti se gazetarja Klodiana Lala raportoi disa ditë më parë se gjyqtarja Flora Hajredinaj kishte mbyllur dyert e gjyqit për gazetarët, duke ndërruar momentin e fundit sallën e gjyqit. Mesa duket arsyeja ka qenë shtyrja e hetimeve.
Talo Çela është i akuzuar për 5 vepra penale, mes tyre, për “vrasje në rrethana të tjera cilësuese”, në dëm të viktimave Dorian Shkoza, Anxhelo Avdia, Besmir Haxhia e Viktor Haxhia. Gjithashtu Çela, i cili është në arrati, akuzohet edhe për tentativën e vrasjes me paramendim ndaj Irfan Hazizit.
Pas atentatit të dy vëllezërve Haxhia, prokuroria bashkoi dy dosjet, të Haxhiajve dhe të dy të rinjve qe u ekzekutuan në 2 mars të vitit 2020, pasi vëllezërit Haxhia kishin njohje dhe marrëdhënie miqësore me dy viktimat, Shkoza dhe Avdia.
Dorian Shkoza dhe Anxhelo Avdia u ekzekutuan në pak se një km nga vendi ku u ekzekutuan vëllezërit Haxhia, me të njëjtën mënyrë.
Discussion about this post