Theu urdhrin e dëbimit për të takuar fëmijët, arrestohet shqiptari sapo arrin në Itali

Një shqiptar është arrestuar nga policia italiane pasi ka thyer urdhrin e dëbimit. Bëhet e ditur se 37-vjeçari u arrestua në vitin 2021 dhe u dëbua me vendim që të mos hynte më në Itali për 5 vjet.

Por shqiptari është arrestuar dje nga Karabinierët e Casarsa della Delizia në shtëpinë e prindërve të tij në Valvasone. Sipas mediave italiane, shqiptari ishte justifikuar para policisë se kishte ardhur në Itali për të parë tre fëmijët e tij të vegjël pasi e kishte marrë malli.

Shqiptari do të dalë nesër para gjykatës dhe aty do të vendoset nëse ai do të qëndrojë në arrest shtëpie ose të përfundojë në burg.