Një ngjarje e rëndë ka ndodhur në Greqi ku një 48-vjeçar ka vrarë me thikë të ëmën 78 vjeç dhe më pas ka djegur shtëpinë e saj. Ngjarja makabre ka ndodhur në lagjen Paleo Faliro në Athinë, në orët e para të ditës së sotshme.
Trupi i 78-vjeçares është gjetur në mes të flakëve me dy plagë në kraharor të shkaktuara nga thika, sipas autoriteteve greke.
I dyshuari kryesor për vdekjen e rëndë të së moshuarës është i biri i saj, i cili u arrestua menjëherë pasi është nxjerrë nga shtëpia që ishte përfshirë nga flakët.
Dëshmitë e të afërmve dhe miqve të 78-vjeçares dhe fqinjëve pritet të hedhin dritë mbi hetimet, sipas protothema.gr. Autoritetet greke po marrin në shqyrtim mundësinë e aktivitetit kriminal dhe mbledhjen e provave për të përcaktuar nëse e moshuara ka humbur jetën nga zjarri apo nëse ka rënë viktimë e vrasjes nga i biri.
Discussion about this post