Oriku dhe Trubina janë dy skuadrat të cilat në sezonin e ri 2022-2023 do të luajnë në Kategorinë e Parë, ndërsa Pogradeci dhe Devolli do të duhet të luajnë në Kategorinë e Dytë.
Në sfidat e ditës së sotme Oriku bëri surprizën ndaj Pogradecit, pasi i mposhtën me shifrat 2-1, në takimin e luajtur në stadiumin “Shkumbini” të Peqinit. Golat e shënuar nga Qejvani 25’ dhe Çaushaj 38-të e ngjitën një kategori më lart skuadrën e Orikut, ndërsa goli i shënuar nga Viera në minutën e 73-të nuk mjaftoi për mbijetesën e liqenorëve në Kategorinë e Parë.
Në përballjen tjetër Turbina arriti të shmangte “dramën” pasi arriti të mposhte minimalisht Devollin, teksa iu fal golit të shënuar nga Vidal në minutën e 90-të, realizim i shënuar nga një penallti.
Në “Niko Dovana” Turbina siguroi kështu edhe për një sezon tjetër qëndrimin në Kategorinë e Parë, teksa detyron Devolin të luajë në Kategorinë e Dytë.
Discussion about this post