38-vjeçari Erlind Rumanin ka rënë në pranga ditën e sotme në Sarandë, pasi është përfshirë në një sherr me shtetasin 59-vjeçarin R.B. Ata fillimisht kanë goditur automjetet e njeri-tjetrit dhe më pas sherri ka degraduar në përplasje fizike.
Erlind Rumani, i cili mbeti i plagosur gjatë orëve të para të mëngjesit, të ditës së sotme, është përfshirë sërish në një konflikt. Ngjarja ka ndodhur në lagjen nr.4. ku 3 shtetas janë konfliktuar me njeri-tjetrin duke u përplasur edhe me automjete. Siç mësohet janë goditur automjetet “Citroen” me targa AA631ZY me automjetin “Toyota” me targe AZI 9208.
Në një nga automjetet ndodhej Erlind Rumani, 38-vjeç, i cili sot rreth orës 02.30 u paraqit në spital i plagosur me thike në qafë. Pas daljes nga spitali mesa duket është përballur sërish në rrugë me agresorin dhe janë goditur me automjete dhe më pas edhe fizikisht me njëri-tjetrin. Policia ka shoqëruar deri tani 3 shtetas në Komisariat.
Discussion about this post