Suedia dhe Finlanda janë mbështetur në lëvizjen e tyre drejt anëtarësimit në NATO nga pothuajse të gjitha vende anëtare të Alenacës. Vetëm Turqia ka shprehur rezerva dhe kundërshtime për këtë çështje.
Nga ana tjetër, Ankaraja akuzon të dy vendet se i kanë dhënë mbështetje Partisë së Punëtorëve të Kurdistanit (PKK), e cila ka zhvilluar një luftë të armatosur kundër qeverisë turke për dekada.
Ministri i Jashtëm turk, Mevlut Cavusoglu është shprehur se Suedia dhe Finlanda duhet të ndalojnë mbështetjen e terroristëve në vendet e tyre, të ofrojnë garanci të qarta sigurie dhe të heqin ndalesat e eksporteve ndaj Turqisë. Ai gjithashtu shtoi se Turqia nuk po kërcënonte askënd.
Së fundmi, sekretari i Shtetit i SHBA-së, Antony Blinken, zyrtarë të NATO-s, politikanë suedezë dhe finlandezë thonë të gjithë se janë të bindur se çdo shqetësim mund të adresohet.
Discussion about this post