Autoritetet e Shteteve të Bashkuara të Amerikës do të përpiqen të zbulojnë nëse jashtë planetit tonë ka jetë, në një seancë të posaçme për pamjet e UFO- ve këtë javë. Sipas mediave të huaja, zyrtarët e inteligjencës në Pentagon në selinë e mbrojtjes së Amerikës, do të hapin skedarët që janë grumbulluar prej kohësh, dhe që janë mbajtur sekret për publikun. Samiti, i pari mbi jetën aliene në më shumë se 50 vjet, është pjesë e një përpjekjeje serioze të Perëndimit për të zbuluar se çfarë fshihet pas një katalogu të pamjeve të UFO-ve.
Kongresmeni Adam Schiff, kryetar i komitetit të inteligjencës amerikane, tha: “Kjo do t’i japë publikut një mundësi për të dëgjuar drejtpërdrejt nga udhëheqësit në komunitetin e inteligjencës për një nga misteret më të mëdha të kohës sonë.” Ai tha se seanca do të “thyejë ciklin e fshehtësisë së tepërt dhe spekulimeve me të vërtetën dhe transparencën”. Vitin e kaluar, SHBA-ja publikoi një raport që katalogonte 144 raste të “fenomeneve ajrore të paidentifikuara” që nga viti 2004.
Discussion about this post