Ish-kandidati për kreun e PS në Durrës, Ardit Kërtusha ka dëshmuar për policinë nga ambientet e spitalit, për plagosjen me armë zjarri që iu bë ditën e sotme në lokalin e reperit Noizy.
Ai tregon momentin kur autori është afruar tek hyrja e lokalit dhe ka qëlluar drejt tij. Ai gjithashtu ka treguar para bluve motivin e ngjarjes, duke pretenduar se me autorin ka patur një sherr 1 muaj më parë për çështje pronash, por sot nuk priste që ai ta qëllonte.
“Po rrija në lokal kur erdhi dhe më qëlloi. Sherri ka nisur para një muaji për çështje pronash. E pashë që u fut brenda në lokal por nuk prisja që të më qëllonte”, pretendon para bluve Ish-kandidati për kreun e PS në Durrës.
Kërtusha ndodhet nën kujdesin e mjekëve, jashtë rrezikut për jetën. 31 vjeçari është pjesë e PS që prej shumë vitesh. Përplasja mes tij drejtuesve të lartë socialistëve në Durrës nisi në tetor të vitit 2019, kur ai shprehu dëshirën për të kandiduar për kryetar i PS në zgjedhjet që u mbajtën në Janar, 2020.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
Discussion about this post