Ka nisur Konferenca e Kryetarëve për të vendosur për seancën e dytë të posaçme për zgjedhjen e Presidentit të ri të Republikës. Dje u zhvillua raundi i parë, i cili u dogj sepse nuk kishte asnjë kandidaturë për Presidentin e Republikës.
Deputeti demokrat Agron Gjekmarkaj u shpreh se Presidenti i ri nuk duhet të jetë një njeri me ngjyrime politike, por duhet të shihet si një investim për vendin.
“Ky proces po e bën me turp politikën shqiptare. Nuk kemi problem etik. Maxhoranca ka numra për të zgjedhur presidentin, por nuk ka mandate. Jemi një opozitë me probleme që nuk merremi vesh, por kjo nuk justifikon hilet. Kjo është ironi e hidhur e realitetit që ne jetojmë. Shqipëria ka nevojë për një president jo të opozitës. Kemi nevojë për një deputet euroatlantik. Do të ishte e udhës që presidenti i ri të jetë as i Ramës, as i Metës, as i Berishës, por një person që të shihet si investim”, tha Gjekmarkaj.
Konferenca e Kryetarëve do të vendosë sot datën e re për raundin e radhës pas dështimit ditën e djeshme. Raundi i dytë duhet të jetë brenda 7 ditësh, pra deri më 24 maj.
Discussion about this post