Arben Mërkuri (Ismaili) me pseudonim “Maneci” 48-vjeç, u qëllua me automatik nga një makinë Mercedes Benz tip “GLE”, por deri më tani ende nuk dihet se sa persona ndodheshin në makinë dhe se kush e qëlloi.
Makina fuoristradë, është parë nga banor të zonës. Banorët kanë dhënë edhe një targë të mjetit që po verifikohet nga policia.
Mësohet seMërkuri u qëllua me dy plumba, e për pasojë humbi jetën.
Atentati ndaj 48-vjeçarit ndodhi mbrëmjen e sotme, ku një person ende i paidentifikuar ka qëlluar me armë zjarri automatik, në drejtim të Mërkurit i cili humbi jetën në spital.
Policia ka shkuar në vendin e ngjarjes për të zbardhur të plotë dinamikën e atentatit, ndërsa janë ngritur postblloqe në hyrje-daljet kryesore të qytetit të Durrësit, për kapjen e autorëve.
Theksojmë sërish se 48- vjeçari dyshohet se është vrarë për prishje të pazareve të drogës pasi rezulton si person me precedentë të mëparshëm kriminalë në fushën e narkotikëve.
Ai gjithashtu rezulton të jetë një prej personave që dhunuan biznesmenin libanez në 2016. Pjesëmarrës në këtë ngjarje ishin njerëz “të rrezikshëm” dhe subjekt i OFL-së.
Grupi hetimor, nën drejtimin e Prokurorisë, ndodhet në vendngjarje dhe po punon për fiksimin e çdo prove të vlefshme që do t’i shërbejë hetimit, me qëllim identifikimin dhe kapjen e autorit.
Discussion about this post