I ftuar në emisionin “Të Paekspozuarit”, presidenti Ilir Meta ka komentuar operacionin e SPAK për goditjen e grupeve kriminale dhe arrestimin e 18 personave. Meta tha se SPAK ka pasur mundësi që të vepronte edhe përpara zgjedhjeve të 25 prillit. Sipas tij, gjithë kjo kohë është përdorur nga emrat e botës së krimit për t’u arratisur jashtë vendit.
“Unë besoj që SPAK ka pasur mundësi të veprojë përpara zgjedhjeve. Një pjesë e këtyre emrave kanë marrë vesh dhe kanë ikur. Duhet të ishin ndaluar që përpara zgjedhjeve, gjë që nuk ka ndodhur. Së dyti, gati gjysma e personave nuk janë arrestuar por janë larguar, dhe kjo nuk është një gjë pozitive. Ditë më parë ka rrjedhur informacioni se zotëria i ndaluar ka folur, prapë nuk është pozitive. Është një informacion indirekt për bashkëpunëtorët e tij. Na kujton urdhrat për ndalimet e tre pronarëve kryesorë të inceneratorëve, të cilat nuk janë ekzekutuar. Janë paralajmëruar sikurse ka ndodhur në shumë raste të tjera. Do doja të ishte një aksion i sinqertë kundër botës së krimit. Pa selektivitet. Është e rëndësishme që SPAK, Policia e Shtetit dhe gjithë institucionet e tjera të hetojnë pse nuk ka qenë sukses i plotë ndalimi i shumicës prej tyure. Duhet të jetë një betejë e përditshme dhe duhet të punohet për të çliruar Shqipërinë nga të gjitha bandat që kanë një pushtet të plotë. Kanë qenë në Kuvend. Bota e krimit është shumë e fortë për shkak të shërbimeve që kryen në mënyrë të vazhdueshme në fushatat elektorale dhe lidhjet që ka me politikën. SPAK të kishte vepruar para zgjedhjeve. Duhet të ketë sqarime për publikun pse aksioni i fundit nuk çoi në ndalimin e të gjithë të dyshuarve” – tha Meta.
Discussion about this post