I ftuar në emisionin “Opinion”, gazetari Artan Hoxha, ka deklaruar mbrëmjen e sotme se kapje e Nuredin Dumanit nuk kishte qenë e rastësishme dhe se policia kishte pasur informacione të tjera për vendndodhjen e tij. Hoxha u shpreh se pas dëshmisë së Dumanit, ose më saktë që prej kapjes së tij, ekzistonte mundësia që i shpalluri në kërkim Talo Çela të mos gjendej më dhe as të mos kishte mundësi të dëshmonte, duke nënkuptuar kështu se mund të ishte ekzekutuar.
Pjesë nga biseda:
Artan Hoxha: Policia nuk e ka marrë rastësisht informacionin për vendndodhjen e Dumanit. Në gjithë këtë histori, strumbullari janë këta ekzekutorët. Këta nuk janë organizatë kriminale, por vrasës me pagesë të cilët marrin porositë dhe i kryejnë. Kam frikë se që prej kapjes së Nuredin Dumanit, Talo Çelën vështirë se do ta shohim më.
Spartak Koka: Kjo do të thotë se mund ta kenë vrarë?
Artan Hoxha: Me shumë mundësi po!
Discussion about this post