Policia arrestoi ditën e sotme ish-kryetarin e Komunës Kurjan me akuzën e plagosjes duke i kapur atij edhe 9 telefona me vete. Mësohet se Shabanaj ka plagosur në shtator të vitit të kaluar një person pranë fshatit Kosovë e Vogël në Lushnje.
Krahas telefonave atij iu kapën me vete edhe 2 mijë euro cash, ndërsa 47-vjeçari duket të mos jetë një emër i panjohur për policinë edhe pse i angazhuar më herët si kreu i një komune në Shqipëri.
Shabanaj është arrestuar edhe në vitin 2018 gjatë një operacioni të policisë kundër një grupi të madh që bëntë trafik armësh dhe droge. Gjatë atij operacioni u arrestuan 20 persona, ku 14 prej ishin shqiptarë dhe njëri prej shqiptarëve të kapur ishte pikërisht Adriano Shabanaj.
Operacioni i atëhershëm mbante emrin “Evelin”, për shkak të një lokali ku banda kryente veprimtarinë e paligjshme. Operacioni erdhi pasi një viti hetime nga karabinjerët italianë. Gjatë kontrolleve policia sekuestroi armë dhe 12 kilogramë lëndë narkotike.
Sipas mediave italiane, grupi kriminal merrej kryesisht me menaxhimin e drogës që vinte nga Shqipëria, Holanda dhe Sllovenia.
