Ka nisur votimi për zgjedhjen e kryetarit të ri të Partisë Demokratike në Lushnje, Korçë, Pogradec dhe Vlorë. Në Korçë ka një qendër votimi, 1100 aktivë, 2800 nr i listës. Në Lushnje është një qendër votimi dhe 1825 anëtarë me të drejtë vote. Pogradeci ka 2 qendra votimi në Pogradec dhe Mokër, 1400 lista, afro 700 anëtarë aktivë.
Në Vlorë procesi i votimit për zgjedhjen e kryetarit të ri të Partisë Demokratike ka nisur që në orën 08:00 ndërsa në qendrat e votimit janë paraqitur dhe anëtarët e PD-së. Në bashkinë Vlorë kanë të drejtë vote rreth 1400 anëtarë dhe procesi i votimit po zhvillohet në Pallatin e Kulturës “Labëria”.
Në bashkinë Selenicë me të drejtë vote janë 906 antarë teksa procesi i votimit po zhvillohet në fshatin Peshkëpi të Bashkisë Selenicë.
Në bashkinë Himarë me të drejtë vote 413 antarë dhe procesi i votimit po zhvillohet në selinë qëndrore të PD në këtë degë.
Procesi i votimit ka nisur i qetë dhe pa probleme teksa në momentet e para të tij shihet një interesim i konsiderueshëm i qytetarëve për të votuar.
Discussion about this post