90 minutat e fundit të luftës për mbijetesë në Serie A kanë qenë me të vërtetë dramatike. Salernitana dhe Cagliari luftojnë në distancë për një vend në elitën e futbollit italian (2 pikë ndajnë skuadrat në tabelën e klasifikimit).
Në “Arechi” pllakos heshtja, pasi Udinese shkatërron skuadrën vendase, ndonëse pa ndonjë objektiv në këtë javë të fundit dhe shënon 3 gola që në pjesën e parë.
Një fitore e sardëve në Venezia do të shpëtonte Cagliarin. Ndonëse mundohet të shënojë, Cagliari nuk arrin të gjejë dot rrugën e rrjetës. Ndërkohë Udinese shënon edhe golin e katërt në portën e Salernitanës.
Sfida e “Arechit” nuk ka më histori dhe e gjithë vëmendja shpërngulet në “Penzo”, ku një gol i Cagliarit mund të ndryshojë situatën në tabelën e klasifikimit.
Venezia, e rënë nga kategoria, mbahet fort dhe pas 6 minutave shtesë merr edhe Cagliarin me vete në Serie B. Me fat Salernitana, që ndonëse mposhtet 4-0 në shtëpi arrin që të mbijetojë në Serie A, sepse mbyll kampionatin me një pikë më shumë se Cagliari.
Discussion about this post