Pas dështimit në Eurovizion, Ronela rikthehet në studio: Do të punoj aq shumë saqë… (FOTO)

Pas eksperiencës dhe pjesëmarrjes në Eurovizion, këngëtarja e njohur Ronela Hajati i është rikthyer angazhimeve të tjera profesionale.

Së fundmi, këngëtarja ka postuar disa fotografi në llogarinë e saj në Instagram përmes të cilave ka treguar se është duke punuar në projekte të reja muzikore.

Ronela shihet në një studio e veshur me një këmishë dhe bluzë të bardhë të cilën e përshtati me xhinse dhe atlete, ndërsa thotë se e pret shumë punë përpara.

Krahas fotografive të publikuara Ronela ka shkruar se këtë verë do të punojë fuqishëm.

“Do të punoj kaq shumë këtë vit, saqë kur të jem me pushime, do ta hedh telefonin në fund të oqeanit”.

Ndërkohë, kujtojmë se  Ronela ishte përfaqësuesja e Shqipërisë në Eurovision këtë vit me këngën e titulluar “Sekret”.