Gjatë festimeve të titullit kampion në Seria A, Stefano Piolit ia vodhën medaljen. Trajneri i Milan kërkoi që t’ia kthenin medaljen pasi ishte e vetmja që kishte.
Ditën e djeshme në rrjetet sociale u publikua një video nga një tifoz që në dorë kishte medaljen e Piolit, teksa falënderonte timonierin e kuqezinjve.
Por menjëherë pas kësaj, medalja ka përfunduar në duart e të zotit, pasi tre djemtë që dukeshin në videon e postuar në rrjetet sociale e kanë dorëzuar atë në Rajonin e Policisë.
Tre djem, sipas asaj që u deklarua, kanë deklaruar se e kishin gjetur medaljen në terrenin e stadiumit “Mapei”, pranë hyrjes së dhomave të zhveshjes, gjatë festimeve, pas ceremonisë së ndarjes së medaljeve të skuadrës kuqezi.
Tre të rinjtë, nga 20 deri në 25 vjeç, të gjithë banues në zonën e Reggios, u paraqitën në kazermë dhe të ndihmuar nga avokati Alessandro Conti, u dorëzuan medaljen karabinierëve, të cilët tani kanë nisur hetimet për të rindërtuar faktet.
Discussion about this post