Në një konferencë për shtyp në Tiranë zyrtari i PE David McAllister u pyet për dy ish ministrat Lefter Koka dhe Saimir Tahiri si dhe deputetin e arrestuar Alqi Bllako nëse mund të konsiderohen si rast suksesi i Reformës në Drejtësi.
Sipas tij, këto arrestime tregojnë se autoritetet në Shqipëri e kanë marrë seriozisht luftën kundër krimit të organizuar dhe korrupsioni, ndërsa inkurajoi ecjen përpara.
Pyetje: Dy ish ministra dhe një deputet në burg. A e shikoni sukses të reformës në drejtësi apo si provë që korrupsioni është i shtrirë shumë lart në qeveri?
McAllister: Kjo tregon që autoritetet në Shqipëri e kanë marrë seriozisht luftën kundër krimit të organizuar dhe korrupsionit. Unë dëshiroj që ti inkurajoj të gjithë ata që kanë përgjegjësi në Shqipëri për këtë punë që të vazhdojnë me këtë qëndrim të rëndësishëm kundër korrupsionit krimit dhe trafikimit të drogës. Ky ka qenë dhe mesazhi për ministrin e Brendshëm dhe të Drejtësisë që u kemi dhënë sot.
Discussion about this post