Janë bërë gati 3 vjet që nga dita kur vendi unë u godit nga një tërmet i fuqishëm, ku u regjistruan dhjetëra viktima dhe mijëra familje mbetën të pastreha. Edhe pse në çdo vit qeveria del dhe premton se rindërtimit do të përfundojë së shpejti, afati shtyhet dhe qytetarët vazhdojnë të jetojnë nëpër çadra apo me qira. Shumë prej tyre ankohen se nuk kanë marrë asnjë përgjigje nga institucionet përgjegjëse se kur do të futen në shtëpitë e reja, ndërsa nga ana tjetër qeveria derdh para për punë që nuk po i shohim rezultat.
Janë plot 30 kompani që kanë përfituar nga fondet për rindërtimit, ku një pjesë e mirë e tyre janë tashmë të njohura për paratë që rrëmbejnë nga thesari i shtetit me tendera. Sikur të mos mjaftonin këto afera, qeveria krijoi këtë mega-aferë për rindërtimin, në mënyrë që të pasurojë edhe më shumë oligarkët e saj. Në një raport të publikuar së fundmi, Open Data Albania ka treguar shifrat që ka përfituar çdo kompani në 3 vite.
Nga këto të dhëna rezulton se, Trans Adriatic Pipeline AG Albania, shoqëria që zbaton projektin e gazsjellësit Trans Adriatik (Projekti TAP, renditet e para për shifrën më të lartë të përfituar. Kjo kompani ka përfituar 15.4 miliard lekë nga thesari i shtetit për të tre vitet për rimbursim TVSH. Nuk kishte si të ndodhte ndryshe, pasi kjo kompanie merr pjesë vetëm në projekte ku flitet me shifra të larta. Pas saj, renditet kompania GJOKA 87, e cila ka përfituar në 3 vite 9.48 miliard lekë GJOKA 87 është një shoqëri koncesionare e themeluar për ndërtimin e rrugës së Arbrit, projekt koncesionar i fituar nga GJOKA KONSTRUCTION në 2017. Në këtë projekt, kjo kompani u bë kryefjala e skandalit për shkak se fitoi garën me të dhënat të falsifikuara.
Në vend të tretë renditet FUSHA, e cila ka marrë 6.67 miliard lekë nga thesari i shtetit për vitet 2019-2021. FUSHA është zotëruese e disa shoqërive koncesionare dhe një nga kontraktorët më të mëdhenj të kontratave publike. Madje operator i vetëm dhe i privilegjuar në bashkëpunimet me institucionet shëndetësore dhe Fondin Shqiptar të Zhvillimit. Në 2019 ajo ka marrë 2.76 miliard lekë nga buxheti i shtetit. Prej 2015 kjo kompani është kompania me më shumë vlerë tenderësh të fituara me Bashkitë si total. Ndërsa, kujtojmë se ajo është përfshirë në skandalin për teatrin. Ku Aleanca për Tetarin dhe opozita kanë denoncuar me dokumente që, Erion Veliaj prishi teatrin dhe këtë pronë publike ja dha kompanisë “Fusha shpk”, që sikur flitet do të ndërtojë kulla aty ku ishte godina e teatrit.
SALILLARI është operatori ekonomik që renditet i katërti sipas vlerës së transaksioneve të thesarit, me 6.2 miliard lekë të përfituara parmes thesarit të shtetit. SALILLARI është gjithashtu zotërues i disa shoqërive koncesionare. Edhe kjo kompani është e njohur për aferat më projektet për rrugët, ku është gjithmonë fituese. Por, skandali më i madh ku strumbullari është kjo kompani regjistrohet projekti i Unazës së Madhe. Projekt i cili është devijuar, vazhdon prej kohësh dhe ka lënë në qiell të hapur shumë familje.
- P. G. COMPANY mbyll “Top 5” nga përfituesit më të mëdhenj të thesarit të shtetit për 2019-2021, me një vlerë të përfituar 5.86 miliard lekë. G. P. G. COMPANY është zotëruese e dy hidrocentraleve në Shqipëri.
Ndërkohë, ajo që bie në sy është se, kompanitë që kanë shënuar më shumë rritje gjatë periudhës 2019-2021 janë: Gjoka Konstruksion, vlera e pagesave të thesarit është rritur me 875% që nga 2019, Kevin Konstruksion ka pasur një rritje me 574% të pagesave të thesarit dhe SALILLARI që ka marrë 334% më shumë vlerë pagesash në krahasim me 2019.
Tashmë është e qartë përse rindërtimi i banesave vazhdon të zvarritet dhe fondet zhduken. Për aq kohë sa këto fonde janë vënë në duart e kompanive më abuzuese. Nga kjo rezulton se fondet e tërmetit mbajnë emrat Lulzim Salillari, Shkëlqim Fusha dhe Rrrok Gjoka, oligarkë dhe miq të qeverisë/Esmeralda Hida/
Discussion about this post