Pavarësisht se na ndajnë të paktën 3 orë nga finalja e madhe e Conference League midis Feynoord dhe Romës, policia ka nisur futjen e tifozëve në stadiumin “Air Albania”. Për të pasur situatën nën kontroll është parë e arsyeshme futja e tifozëve të Feynoord, së pari. Stadiumi ka një kapacitet prej 22 mijë vendesh dhe shteti shqiptar ka marrë masa për mbarëvajtjen e ndeshjes që nga paralizimi i qarkullimit të zonës përreth stadiumit deri tek shpallja e datës 25 maj si ditë zyrtare pushimi.
Sjellim në vëmendje që gjatë mbrëmjes së djeshme pati përplasje mes tifozëve holandez dhe policisë së shtetit, ndërsa mbeten shumë të lënduar. Pas përleshjeve të shumta ishin shoqërimet dhe arrestimet në radhët e tifozëve ndërsa pati dhe riatdhesime.
Discussion about this post