Tirana është pushtuar nga tifozët holandezë dhe ata të Romës, të cilët janë në ethe për të ndjekur ndeshjen e skuadrës së zemrës. Policia ka nisur futjen e tifozëve në stadiumin “Air Albania”.
Në pamjet që kanë ardhur redaksinë e Gijotina.com shihen tifozët e Romës të cilët kanë mbërritur pranë stadiumit pak minuta më përpara. Për të pasur situatën nën kontroll është parë e arsyeshme futja e tifozëve të Feynoord, së pari.
E teksa fill pas holandezëve radhën e kanë tifozët e Romës, policia po bën kontrolle të imtësishme, madje dhe shishet e ujit. Forcat e sigurisë kanë kontrolluar rreptësishtë të gjithë ata që kanë bileta dhe duan të shikojnë nga afër sfidën.
Siç raportohet disa tifozë janë kthyer mbrapsht, pasi kanë patur me vete mjete dhe sende të rrezikshme. Po ashtu forcat e policisë po përdorin dhe pajisje elektronike.
E teksa vazhdojmë në këtë fluks burimet pranë Gijotina.com bëjnë të ditur se një tifoz i Feyenoordit është prangosur nga forcat e sigurisë pasi tentoi të thyente kordonët policore për të hyrë në stadium.
Discussion about this post