Aksident i rëndë në Fier-Seman, përplasen dy “Benz-a”, dy të plagosur

Një aksident i rëndë është shënuar paraditen e sotme në Fier. Ngjarja ka ndodhur rreth orës 12:30, në aksin rrugor Fier-Seman.

Policia njofton se shoferi i identifikuar me iniciale I. T., duke drejtuar automjetin tip “Benz” karroceri, është përplasur me automjetin tip “Benz” me shoferin e identifikuar me iniciale F. K.

Për pasojë janë dëmtuar dy drejtuesit e mjeteve, të cilët ndodhen në spital nën kujdesin e mjekëve, jashtë rrezikut për jetën.

Paraprakisht dyshohet se shkak i aksidentit është bërë mosrespektimi i sinjalistikave rrugore, manovrat e shpejtësisë dhe parakalimet e gabuara, ndërsa policia nuk ka qenë në patrullim për ta parandaluar këtë ngjarje.

Grupi hetimor po punon për zbardhjen e shkakut të aksidentit.

Gijotina.com raporton se bilanci i aksidenteve rrugore vijon të rritet.