Zjarr në tregun e fruta-perimeve tek “Varri i Bomit”

Një zjarr ka përfshirë tregun e fruta-perimeve tek “Varri i Bomit” mëngjesin e sotëm duke vënë në alarm banorët që jetojnë në zonën përreth.

Pas alarmit, zjarrfikësit kanë mbërritur në vendngjarje duke bërë të mundur shuarjen e zjarrit në kohë. Fatmirësisht ka vetëm dëme materiale, ndërsa banorët janë jashtë rrezikut.

“Më datë 28.05.2022, në orët e para të mëngjesit, në rrugën “Xhanfize Keko”, te tregu i fruta-perimeve ka rënë zjarr. Si pasojë e zjarrit ka vetëm dëme materiale. Grupi hetimor po punon për sqarimin e rrethanave të ngjarjes”, shkruhet në njoftim.