Një aksident ka ndodhur pak minuta më parë në Fier, ku një fouristradë me traga greke është futur kundravajte, ka përplasur trafikndarësen dhe më pas ka bllokuar qarkullimin duke rrezikuar jetën e njerëzve përreth.
Ngjarja ka ndodhur pranë vendit të njohur si Rotondua e Parkut pranë kishës katolike në Fier, në aksin Fier- Patos. Mësohet se fuoristrada me targa të shtetit helen KPK2650 udhëtonte në drejtim të Fierit kur është futur në korsinë e gabuar.
Fatmirësisht është shmangur përplasja ballore, ndërsa mjeti ka përfunduar në mes të trafikndarëses duke u përplasur edhe me një shtyllë të ndriçimit publik.
Fillimisht shoferi ka deklaruar se ka humbur kontrollin e mjetit ndërsa nga policia, që ka mbërritur menjëherë pranë vendit të ngjarjes po kryhen të gjitha procedurat për të zbardhur shkaqet e aksidentit. çka është regjistruar në një aks me lëvizje të konsiderueshme mjetesh, duke bllokuar për disa minuta edhe qarkullimin.
Discussion about this post