Kanë mjaftuar disa minuta shi që rrugët në zonën e Krujës dhe Kurbinit të përmbyten. Mësohet se reshjet e shiut në formë rrebeshi, kanë bllokuar nënkalimin e Fushë-Mamurrasit, duke bllokuar dhe qarkullimin e mjeteve të vogla.
Një pjesë e automjeteve janë detyruar të kthehen për të ndjekur rrugë alternative, nga bllokimi i nënkalimit në aksin e autostradës Milot-Thumanë. Gijotina.com raportoi për probleme të njëjta në qarkun e Lezhës, ku reshjet e shiut kanë paralizuar qarkullimin në rrugë dhe lagje.
Situata më problematike është krijuar në bulevardin Gjergj Fishta, në rrugët pranë shkollave dhe bllokun e banimit 11 Janari. Niveli i ujit ka arritur në disa centimetra duke paralizuar qarkullimin.
Discussion about this post