Vdekja e nënës me dy vajzat në Fushë-Arrëz, zbulohet shkaku

Zbardhet shkaku që çoi në tragjedinë në Fushë Arrëz ku nëna dhe dy vajzat e saj gjetën vdekjen pasi ranë në kontakt me energjinë elektrike.

Një grup ekspertësh nga Tirana kanë dalë në përfundimin se një defekt elektrik në lavatriçe, ka përcjellë energjinë elektrike, duke u marrë jetën tre anëtareve të një familjeje.

Për shkak të defektit, lavatriçja ka përcjellë energjinë elektrike dhe ka shkaktuar vdekjen e menjëhershme të dy vajzave dhe nënës. Ngjarja e rëndë ndodhi të shtunën e kaluar, duke tronditur gjithë opinionin publik, ndërsa i plagosur në spital ka mbetur djali i familjes.