Gjykata ka lënë të lirë Ballist Morinën. Ai njihet ndryshe si “supertifoz” i kombëtares Kuq e ZI. Mësohet se dënimi Ballist Morinës do t’i konvertohet në shërbim prove. Ndaj tij kishte urdhër arresti pasi kishte 5 muaj burg pa shlyer dënimin për armëmbajtje pa leje. Gjykata e Durrësit ka pranuar që të gjykojë të lirë Morinën, duke e liruar nga burgu.
“Vendim revokimi për vendimin penal në mungesë. Procedurat e mëtejshme duhet t’i bëjë Gjykata e Apelit në Durrës, e cila është gjykatë kompetente për të shqyrtuar çështjen e gjykatës së Shkallës së Parë Durrës. U pranua kërkesa e tij për lirim. Do të jetë i lirshëm sepse hetimi për të ka mbaruar tashmë. Ai ka një vendim dënimi dhe i mbeten pa vuajtur 5 muaj e 12 ditë, të cilin do ta konvertojë me shërbimin e provës”, tha avokati Gramoz Lika.
Ballist Morina njihet ndryshe si shqiptari që ngriti dronin në Beograd, në ndeshjen Serbi-Shqipëri në vitin 2014.
Discussion about this post