Në mbledhjen e sotme zhvilluar në Komisionin e Ligjeve, deputeti demokrat Enkelejd Alibeaj ka ngritur shqetësimin për mosrespektimin e ligjit gjatë procesit të zgjedhjeve në 25 prill.
Gjatë fjalës së tij, Alibeaj tha se ndryshimet e bëra në Kodin Zgjedhor nuk funksionuan as gjatë zgjedhjeve elektorale të përgjithshme, ndërsa shto se shteti u kthye në aktor elektoral.
“Cilësia ligjore e bërë në mënyrë të njëashme a vendosi në vështirësi procesin e zgjedhjeve? Kujtojmë edhe raportin e ODHIR, i cili ka thënë se Shqipëria duhet të sigurojë të dhënat personale të qytetarëve dhe se shteti duhet të votën e lirë. Dua të shtroj çështjen për votimin e emigrantëve, si edhe atë të patronazhistëve që besoj që vota e lirë dhe e fshehtë ka minuar procesin e votimit. Keni marrë masa dhe çfarë do të duhet të bëhet? Po ashtu dua të ndalem tek shitblerja e votës, si është trajtuar? A ka njerëz të proceduar penalisht lidhur me shkeljet që ne kemi denoncuar dhe në të ardhmen çfarë masash janë duke u marrë që në zgjedhjet e tjera votimi dhe numërimi të jetë korrekt. Ndryshimet në Kodin Zgjedhor synonin parandalimin që shteti të kthehej në aktor elektoral, por nuk funksionoi, pra e gjithë ngrehina ligjore nuk funksionoi”, tha Alibeaj.
Nga ana tjetër, deputeti socialist Toni Gogu ka kundërshtuar fjalën e Alibeajt duke e ironizuar se praktikat e mirëadministrimit zgjedhor të PS mund t’i ndjekë dhe kampi blu.
“Kanë ndodhur zgjedhje në vendin tonë dhe ka humbur partia e Alibeaj dhe më pas kanë ndodhur përsëri zgjedhje në partinë e zotit Alibeaj dhe ka humbur sërish ajo pjesë që përfaqëson zoti Alibeaj. Nuk do të ishte keq të huazonin proceset dhe praktikat e mirëadministrimit zgjedhor që KQZ aplikon në administrimin zgjedhor në vend ti marrin ti aplikojnë në parti dhe të shmangin dhe keqadministrimin që u ka ndodhur”, tha Gogu.
Discussion about this post