Të ftuarit e mbrëmjes në emisionin “Në kurthin e Piter Pan” ishin boksieri i famshëm Robin dhe bashkëshortja e tij, Marigona Krasniqi. Të ngacmuar nga pyetjet e fëmijëve dhe prezantueses ata zbuluan nëse do të kenë shumë fëmijë. Boksieri me prejardhje nga Juniku pranoi se dëshiron të ketë shumë fëmijë por nuk e di nëse bashkëshortja e tij do ta përballojë një gjë të tillë. “Kam qejf të kem shumë fëmijë, por nuk e di sa e përballon Marigona, kështu që ia lëmë kohës edhe momentit”, tha Robini.
Mes të qeshurave, Marigona vazhdoi të tregojë se bashkëshorti i saj që në njohje e ka dëshiruar një gjë të tillë.
“Qysh prej fillimit Robini ka insistuar dhe ka thënë: Katër janë minimumi, por pastaj se ku është maksimumi nuk e dijmë”, tha Marigona.
Çifti kanë kurorëzuar dashurinë e tyre me martesë këtë vit dhe janë në pritje të fëmijës së tyre të parë.
Discussion about this post