Në Konferencën e Kryetarëve deputeti demokrat Agron Gjekmarkaj tha se opozita nuk kishte pasur një ofertë reale përsa i përket presidentit të ri të vendit.
Gjekmarkaj tha se PS e kishte strategji për ta zgjedhur vetë presidentin. Ndërkohë, që sipas tij arritën qëllimin, ai u kërkon që të zgjedhin një personalitet me kontribute nga forca e tyre politike.
“Opozita s’ka humbur asnjë shans për presidentin. Ju tashmë keni hyrë në fazën e zgjedhjes së presidentit, keni dashur të hyni në këtë fazë. Nuk i keni ofruar asgjë kushtetutës. Opozita nuk ka pasur një oferte reale për të zgjedhur Presidentin. Kjo është një strategji për të shkuar një president që kam frikë që do të vijë nga askundi. Unë e konsideroj PS si aset kombëtar. Dhe besoj e PS ka personalitete pafund që i kanë shërbyer vendit. Keni një ngarkesë të pushtetit piramidal. Ishte një mundësi për të krijuar një hapësirë. Meqenëse po shkoni drejt zgjedhjes siç deshët mos lejoni që në krye të shtetit të vendoset një askush. Të paktën të jetë një personalitet i PS”, tha Gjekmarkaj.
Discussion about this post