Aksidenti i rëndë në Kakavijë, policia nxjerr detajet

Policia e Gjirokastrës ka nxjerr detajet e aksidentit të rëndë që ndodhi mbrëmjen e sotme në Kakavijë me pasojë vdekje. Sipas policisë, ngjarja ka ndodhur rreth orës 21:10, në aksin rrugor Gjirokastër-Kakavije, në afërsi të fshatit Kakavije.

Automjeti tip “Benz “, me drejtues 41-vjeçarin me inicialet I. M., banues në Gjirokastër, i cili është përplasur me automjetin tip zetor, me 32-vjeçarin me inicialet, Ll. Ç., banues në fshatin Kakavije, Gjirokastër.

Për pasojë ka humbur jetën drejtuesi i zetorit, si dhe është dëmtuar drejtuesi i automjetit “Benz”, i cili u transportuan në spitalin Rajonal Gjirokastër për të marrë ndihmën mjekësore.

Në vendngjarje ndodhet grupi hetimor dhe po punon për zbardhjen e shkaqeve të aksidentit.