“Asllanin dua ta shoh te Interi”, Duka: Shpresoj si titullar

Mesfushori i Kombëtares Shqiptare, Kristjan Asllani ka përfunduar në qendër të merkatos, pasi Interi dhe Milani janë vënë në ndjekje të tij dhe kanë nisur kontaktet zyrtare me Empolin. Asllani ka spikatur me toskanët në Serinë A në vitin 2022 dhe te Interi e shohin si pasuesin ideal të Marcelo Brozoviç, teksa edhe kreu i FSHF-së, Armand Duka preferon zikaltrit si destinacion për 21-vjeçarin.

“Asllani ka bërë një sezon fantastik dhe meriton të transferohet në një klub te madh. Do të doja ta shihja te Interi, por si titullar. Është në moshë të re dhe më mirë të qëndrojë aty ku është e të luajë, sesa të rrijë në stol në një skuadër të madhe” – u shpreh Duka.