Ethet e riorganizimit të posteve më të rëndësishme të Partisë Demokratike kanë krijuar dhe përplasjet e para mes anëtarëve të selisë blu. Posti i Sekretarit të Përgjithshëm të PD, një nga më të lakuarit ka sjellë përplasje mes anëtarëve të ish-komisonit të Rithemelimit. Sipas burimeve brenda PD-së, disa nga emrat më premtues për të marrë këtë post janë ish-kreu i Forumit Rinor të PD-së, Belind Këlliçi, deputeti Flamur Noka dhe Arben Imami.
Gara e ethshme ka sjellë akuza për secilin nga kandidatët, sidomos ndaj Belind Këlliçin, i cili akuzohet nga anëtarësia që po lobon brenda PD-së për të marrë postin e Sekretarit të Përgjithshëm të PD-së.
Ajo që doli hapur dhe denoncoi lobimet ishte ish-anëtarja e Komisionit të Rithemelimit, Evi Kokalari e cila akuzon drejtëpërdrejtë Belind Këlliçi për lobime në Këshill dhe Kryesi për të marrë detyrën e Sekretarit të Përgjithshëm, duke dalë hapur në mbështetje të deputetit Flamur Noka. Ndërkaq Berisha nga ana e tij, ka bërë lëvizje surprizë për të shmangur lobimet duke thirrur mbledhjen e Kryesisë së PD, vetëm 3 orë para mbledhjes së Këshillit Kombëtar. Ndërsa mësohet që do të jetë Berisha ai që do të propozojë emrat për pozicionet e rëndësishme në PD, si postin e nënkryetarëve dhe Sekretarit të Përgjitshëm.
Discussion about this post