Sot është festa e “1 Qershorit” dhe duket se i ka bërë bashkë mamatë e famshme. Këngëtarja e njohur, Çiljeta Xhilaga ka vendosur që së bashku me fëmijët, Fernandon dhe djalin e Albanit, t’i bashkohet festës së organizuar nga Zaimina Vasjari në shtëpinë e saj.
Vasjari në ditën e fëmijëve ka vendosur të zbukurojë oborrin rreth pishinës së saj, duke ftuar mikeshat me fëmijët për të gëzuar së bashku festën e tyre.
Ndër të pranishmet ka qenë edhe këngëtarja Xhilaga. Të shumta ishin postimet e Zaiminës në rrjetet e saj sociale nga festa, por çfarë ra në sy më shumë ishte fotoja e ëmbël e Çiljetës me djalin e saj.
“Po të shtoj edhe një burrë të katërt”-shkruan Zaimina krahas fotos. Duke iu referuar kështu tre “burrave” momental në jetën e Çiljetës, djalit të saj, Fernandos, partnerit, Albanit dhe djalit të tij të vogël.
Këtë foto e ka ripostuar më pas edhe këngëtarja në Instagramin e saj, dhe reagimi ka qenë shumë i embël.
“Mu shtofshin edhe 10 burra si ky cuni jot, aman moj çfarë dashurie”- ka qenë komenti i Çiljetës.
Ju kujtojmë që një javë më parë Xhilaga ka ndarë një foto të veçantë me Fernandon dhe djalin e partnerit të saj. Ndonëse dyshja bashkëjetojnë me njëri-tjetrin prej vitesh, ishte hera e parë që ajo shfaqet krah djalit të Albanit, në rrjetet sociale. Kjo foto konfirmoi raportin e mirë që ka ndërtuar Çiljeta me djalin e futbollistit.
“Me djemtë e mi,”- ka qenë përshkrimi që këngëtarja i ka bërë postimit.
Discussion about this post