Moderatorja e njohur Luana Vjollca ka rrëfyer një tjetër histori personale, përmes së cilës synon që të japë mesazhe të fuqishme për gratë. Në episodin e ri të projektit të saj “Thuaje”, moderatorja tregoi se si ishte paragjykuar thjesht për faktin se ishte një vajzë e bukur. Luana tregoi dhe një histori bullizmi në fillimet e karrierës.
“Kam një rast në fillimet e mia, atëherë kur askush nuk besonte se do të isha një moderatore e zonja, ku fjalët ishin se është një vajzë e bukur që vendoset aty për të tërhequr vëmendjen. Unë besoja te vetja ime, punoja shumë drejt asaj sepse nuk mund të bëhesh kurrë ajo që do të jesh pa punuar.”
Më tej, Luana është shprehur se çelësi i suksesit sipas saj është që të besosh tek vetja më momentin kur të tjerët e kanë humbur besimin tek ti, dhe se ajo ishte ndjesë e bullizuar kur kolegu i punës i kishte thënë të mos e përsëriste skenarin vetëm se ishte një vajzë e bukur.
“E vetmja gjë është që të besosh te vetja jote, atëherë kur të tjerët nuk besojnë te ti dhe të punosh fort drejt asaj që do. Megjithatë, një koleg i imi vjen dhe më thotë ‘nuk ke pse e përsërit skenarin për shkak se je thjesht një vajzë e bukur. Tekstualisht më tha ‘ti je thjesht një sex appeal’, sot shihesh dhe nesër harrohesh.”
Së fundmi, Luana e ka mbyllur rrëfimin e saj duke përcjell një mesazh të fortë për të gjitha vajzat që duhet ta duan dhe mbështesin njëra-tjetrën në çfarëdolloj situate të gjenden.
“Më bëri që të mos e harroja kurrë si koment dhe t’i dëshmoja se nuk jam vetëm aq. Vajzat duhet ta duan njëra-tjetrën, ta mbështesin njëra-tjetrën dhe të bëhen bashkë për njëra tjetrën. Suksesi i vetëm në jetën tënde është të jesh ajo që ti dëshiron dhe të punosh drejt saj”.
Discussion about this post